【業績操作考量+例子】
短線：
1. 業績合預期，偏好—>不應衝出去沽，有機會錯邊而俾挾左唔知去邊
2. 咁博唔博升好？我只考慮在業績大幅優於預期下才博，因為您可能都要觀察一下先入場，個價可能已經升左啲，換句話說，如果上面無好大既水位，就好難博，因為追左佢唔行，或者個市落，咁您係咪坐過市？唸清楚，本來您係博業績同市場價格有差距，即係博市場當刻係「錯價」，未反映到份業績。咁您即市食唔到揸住去，係睇好佢之後仲有水位？兩回事。
3.工具揀輪定牛熊？一定唔揀輪，績後引伸好大機會回，而且只係優預期少少加無亮點，錯邊輸雙倍，中邊都贏少左。
4. 其實炒業績呢樣野，除非業績俾到您睇間公司營運情況有改變（好/差），否則都唔係用長倉既方式操作。
5. 咁差過預期又點？上面既野掉轉諗。
長線：
1. 好似上面講，您睇到業績有新野，有爆發位，咁咪長線囉，但通常唔好諗即食到。資訊咁流通，總唔會得您一個睇到，您長線，就係您睇到既野一路製造新價值俾間公司，咁去到某個位，市況合適，或者業務開花，就會行。
例子：匯豐我覺得收貨但唔算好驚喜，我寧願食花生，您下晝開市沽，佢夾過上去；您追呢？其實佢又落返中午起步位，咁您係手痕無啦啦揸左夜過市。過夜佢跟市回既話，您走定唔走？問下自己，您係咪睇長線？係都無所謂，唔係，就下次記住上面講既野。
No comments:
Post a Comment